قرآن

الله تعالىٰ كى سب سے بڑى رحمت اس کتاب یعنی قرآن مجید کااتارنا ہے كہ جس كےذریعے علم وہدایت ، نور وشفا ، رحمت اور بہت سارى خیر كى چیزیں حاصل ہوئیں جو بندوں پر اسكى طرف سے بہت بڑى نعمتیں ہیں۔ (السعدى: 744)
سوال: اس امت پر رحمت الہى كے عظیم مظاہر ذكر كریں.

یعنى اس كى سارى قسموں كو علاحده علاحده تفصیل سے بیان كردیا گیا ہے، اور اس سے یہ لازم آتاہے كہ قرآن میں ہر چیز کا مکمل بیان ہے، اور ہر شیئ کو واضح کیاگیا ہے اورتمام حقائق کو الگ الگ بیان کیا گیا ہے۔ (السعدى: 744)
سوال: فرمان بارى: (فُصِّلت آياته) سے ہم كیا فائده حاصل كرتےہیں؟

یہاں اس سماع كى نفى ہے جو قابل اعتبار اور نفع بخش ہو۔ (ابن عطیہ: 5؍4)
سوال: یہاں كافروں كے كس سماع كى نفى كى گئى ہے؟

یہاں حجاب سے مراد دین کا اختلاف ہے؛ كیونكہ انكا دین بتوں كى عبادت ہے اور محمد ﷺ کا دین الله وحده لاشریك كى عبادت كا نام ہے، یہى وه حجاب ہے جس كےبارےمیں ان كا گمان تھا كہ ان كے اور نبى ﷺكے درمیان حائل ہے۔ (الطبرى: 21؍429)
سوال: كافروں كا گمان تھا كہ جن رسولوں كو ان كى طرف بھیجا گیا اُن كے اور اِن كے درمیان ایك حجاب ہے ، اس سے كیا مراد ہے؟

یعنى میں كوئى فرشتہ نہیں بلكہ آدم كى اولاد ہوں۔ حسن نے كہا: الله تعالىٰ نے آپ كو یہاں تواضع ا ور خاكسارى سكھلائى ہے۔ (القرطبى: 18؍392)
سوال: تواضح اور خاكسارى كى اہمیت پر آیت كا معنى كیسے دلالت كرتاہے ، وضاحت كریں.

اگر آپ اعتراض كریں كہ مشركین كے دوسرے تمام اوصاف كو چھوڑ كر كفر آخرت كےساتھ منع زكاة كو ہى كیوں خصوصی طور پر ذکر كیا گیا؟ تو میں كہوں گا: چونكہ انسان كےنزدیك سب سے محبوب چیز اسكا مال ہے، اور یہ اسكى روح جیسا ہے، چنانچہ جب وه الله كى راه میں اسے خرچ كرتاہے تو یہ اسكے ثبات قدمى، استقامت، صدق نیت اور باطنى پاكیزگى کی بہت بڑى دلیل ہوتى ہے، غور كریں الله كے اس قول پر: ﴿وَمَثَلُ ٱلَّذِينَ يُنفِقُونَ أَمۡوَٰلَهُمُ ٱبۡتِغَآءَ مَرۡضَاتِ ٱللَّهِ وَتَثۡبِيتٗا مِّنۡ أَنفُسِهِمۡ﴾ [البقرة: 265]یعنى وہ لوگ خود کو ثابت قدم رکھتے ہیں اور مال كو خرچ كركے ثبات قدمی پر دلیل پیش کرتےہیں۔(القرطبى: 18؍393)
سوال: كفر آخرت كےساتھ منع زكاة كاذكر كیوں كیاگیا؟

باوجودیكہ الله تعالىٰ ان تمام مخلوقات كو ایك ہى لمحے میں پیدا كرسكتاہے پھر بھى انہیں ایك خاص مدت میں پیدا كیا ، اس كى حكمت یہ ہے كہ اپنے بندوں كو اس كےذریعےتمام معاملات و امور میں غور وفكر كرنے اور عجلت نہ كرنے كى عادت سكھائے۔ (ابن عطیہ: 5؍5)
سوال: باوجودیكہ الله تعالىٰ زمین وآسمان اور ان كےبیچ كى تمام مخلوقات كو ایك ہى لمحے میں پیدا كرسكتا تھا پھر بھى انہیں ایك خاص مدت میں پیدا كرنے كى كیا حكمت ہے؟