قرآن

(فَٱلَّذِينَ هَاجَرُواْ ) تو جن لوگوں نے ہجرت کرلی۔یعنی شرک کی بستی (مکہ) کو چھوڑکر ایمان کی بستی (مدینہ ) میں آگئے ۔اور دوستوں، قریبی لوگوں، بھائیوں اور پڑوسیوں سے جدائی اختیار کرلی۔
(وَأُخۡرِجُواْ مِن دِيَٰرِهِمۡ) اپنے گھروں سے نکال دیئے گئے ۔یعنی مشرکین نے اذیت دے کر انہیں ایسا تنگ کیاکہ انہیں اپنے درمیان (شہر) سے نکل جانے پر مجبور کردیا۔ اور اسی لئے فرمایا: (وَأُوذُواْ فِي سَبِيلِي) وہ میری راہ میں ستائے گئے۔ یعنی لوگوں کے نزدیک ان کا گناہ بس یہی تھا کہ وہ ایک وتنہا اللہ پر ایمان لائے ۔(ﭯ ﭰ ﭱ ﭲ ﭳ ﭴ ﭵ ﭶ ﭷ ) (سورۂ بروج:۸) وہ لوگ مومنوں سے صرف اس وجہ سے انتقام لے رہے تھے کہ وہ غالب اور لائقِ تعریف اللہ کی ذات پر ایما ن لائے۔اور اللہ کا یہ فرمان: ( وَقَٰتَلُواْ وَقُتِلُواْ) اور انہوں نے جہاد کیا اور شہید کئے گئے ۔ تو یہ سب سے بلند درجہ ہے کہ آدمی اللہ کی راہ میں جان کی بازی لگادے۔ (ابن کثیر: ۱؍۴۱۸)
سوال: اس شخص کا کیابدلہ ہے جو اللہ کی راہ میں ہجرت کرے یا اپنے گھر سے نکال دیا جائے، یا ستایا جائے، یا قتل کردیا جائے؟

یہ اس بات کی دلیل ہے کہ کفار دنیا میں بھی انعام یافتہ نہیں ہیں ۔اس لئے کہ نعمت کی حقیقت ہے اس کا دنیا اور آخرت میں نقصان کی آلودگی سے پاک وصاف ہونا جبکہ کفار کو میسر نعمتیں دکھوں اور سزاؤں سے ملی جُلی ہیں۔ تو یہ ایسے ہی ہے جیسے کوئی شخص دوسرے کو شہد کی بنی ہوئی مٹھائی پیش کرے جس میں زہر ملا ہوا ہو ۔اب اسے کھانے والا اگرچہ لذت محسوس کرے گا لیکن یہ نہیں کہا جاسکتا کہ اس پر نعمت یا انعام کیا گیا ہے۔ کیونکہ اس میں ہلاکت ہے۔ (القرطبی: ۵؍۴۸۱)
سوال: کیا کفار دنیا میں انعام یافتہ یا نعمت سے ہمکنار ہوتے ہیں؟

فریب کا شکار آدمی جس چیز سے فریب کھاتا ہے، اسے پاکر بڑا خوش اور مگن ہوتاہے، چنانچہ کفار اپنی چلت پھرت (اور اچھل کود) سے دھوکے میں پڑے ہوئے ہیں اور مومنین اس (کفار کی چلت پھرت) کی وجہ سے فکر مندہیں، لیکن بعض اوقات کسی مومن کے دل میں یہ بات آسکتی ہے کہ کفار کو ملنے والی یہ ڈھیل اور مہلت ان کے لئے بہتر ہے۔ چنانچہ یہ خیال کفار کی حالتِ کفر کی طرف ایک طرح کا جھکاؤ اور ایک قسم کا دھوکہ پیدا کرتا ہے ۔اسی لئے اچھی تعبیر ہے : (لَا يَغُرَّنَّك) کہ آپ کو ہرگز فریب نہ دے۔کوئی مومن ہو یا کافر ۔دونوں کے لئے موت بہتر ہے۔ کافر کے لئے اس وجہ سے کہ وہ گناہ میں اور زیادہ اضافہ نہ کرپائیگااور مومن کے لئے اس بناء پر موت بہتر ہے کہ اللہ کے پاس جو کچھ اجروانعام ہے وہ نیک لوگوں کے لئے کہیں زیادہ بہتر ہے۔ (ابن عطیہ: ۱؍ ۵۵۸)
سوال: یہاں “غرور” (دھوکا) کے لفظ کو استعمال کرنے کی وجہ بتائیے؟

(لِّلۡأَبۡرَارِ) “ابرار” بار اور بَر کی جمع ہے۔ اس کا معنی ہے:نیکی کرنے والے ۔اور یہ تقویٰ اور عملِ صالح کا نتیجہ ہے ۔بعض علماء کا کہنا ہے: “ابرار” وہ لوگ ہیں جو کسی کو تکلیف اور ایذا نہیں دیتے۔ (ابن جزی: ۱؍۱۷۰)
سوال: ابرار سے کون لوگ مرادہیں؟

چونکہ ان کا ایمان تمام چیزوں پر ہے اور حقیقی ہے ۔اس لئے یہ ایمان فائدہ مند ہوگیا ۔اس ایمان نے ان کے دلوں میں اللہ کی خشیت اور ڈر پیدا کردیا ۔اور ان کی خشیتِ الٰہی کے کامل ہونے کا نتیجہ ہے کہ (ﯘ ﯙ ﯚ ﯛ ﯜ ﯝﯞ ) وہ اللہ کی آیتوں کو معمولی قیمت کے عوض نہیں بیچتے۔ لہٰذا وہ دین کے مقابلہ میں دنیا کو ترجیح نہیں دیتے۔ جیسا کہ گمراہ لوگوں کا عمل تھا کہ وہ اللہ کی نازل کردہ چیزوں کو چھپاتے اور انہیں معمولی قیمت کے بدلے بیچ دیتے ۔مگر ان لوگوں نے معاملے کی حقیقت کو پہچان لیا اور یہ بات بخوبی جان لی کہ دین کے بدلے میں دنیا کو اختیار کرنا، سب سے بڑا نقصان اورخسارہ ہے۔ (السعدی: ۱۶۲)
سوال: حقیقی ایمان کی کیا علامت ہے؟

اللہ تعالیٰ نے سورت کا خاتمہ اس آیت سے کیا ہے کیونکہ یہ آیت اس دسویں وصیت پر مشتمل ہے جو دنیا میں دشمنوں پر غلبہ پانے اور آخرت میں نعمتوں کی کامیابی کو سموئے ہوئے ہے۔ چنانچہ اللہ نے نیک کاموں پر جمے رہنے اور خواہشاتِ نفس سے اپنے آپ کو روک لینے پر ابھارا ۔یعنی نیکیوں پر صبر کرنے اور شہوتوں سے صبر برتنے کی ترغیب دی۔ اور ‘‘صبر’’ قابو رکھنے کو کہتے ہیں۔ (القرطبی: ۵؍ ۴۸۵)
سوال: آیت نے دشمنوں پر غالب ہونے اور آخرت میں کامیاب ہونے کی کئی شرطیں بیان کی ہیں ۔وہ کیا ہیں؟

یہ آیت کافروں کے خلاف نصرت ومدد کے لئے مانگی گئی دعا قبول ہونے کی شرط سکھا رہی ہے ۔ نیز عقل والوں کو دعوت دے رہی ہے کہ اکیلے ،زندہ اور بذاتِ خود قائم اور مخلوق کو سنبھالنے والی ذات اللہ کی نگرانی ونگہبانی کو یاد رکھیں۔ (البقاعی: ۲؍ ۲۰۳)
سوال: مومنوں کی نصرت ومدد کی دعا اللہ کے یہاں قبول ہونے کی کیا شرط ہے؟