قرآن

جب اللہ نے ایسی چیز کا ذکر کیا جس کا چھوڑنا اور خرچ کرنابہت بھاری اور مشکل ہوتا ہے یعنی ما ل کا ۔ تو اس کے بعدایک ایسی چیز کا تذکرہ کیا جسے روکنا اور قابومیں رکھنا بہت دشوار ہوتا ہے۔ چنانچہ فرمایا: (وَٱلۡكَٰظِمِينَ) پی جانے والے ہیں۔یعنی قابو میں رکھنے والے ہیں۔ (ٱلۡغَيۡظَ) غصہ کو۔ مطلب : غصہ سے بھر جانے کے باوجود وہ اسے دبادیتے ہیں،اس کا نفاذ نہیں کرتے۔ (البقاعی:۲؍۱۵۷)
سوال:مال خرچ کرنے کے بعد غصہ پی جانے کا تذکرہ کیا معنی دیتا ہے؟

غصہ پی جانے والا اور لوگوں کو معاف کردینے والاحقیقت میں خود اپنا بھلا اور فائدہ کرتا ہے اور لوگوں کا بھی۔اس لئے کہ یہ اپنے نفس کے ساتھ بھی اچھا عمل ہے اور لوگوں کے ساتھ بھی ۔اور جو شخص لوگوں سے احسان کا معاملہ کرتا ہے تو حقیقت میں وہ خود اپنے ساتھ احسان وبھلائی کرتا ہے ۔اللہ تعالیٰ نے فرمایا: ( ﮭ ﮮ ﮯ ﮰﮱ ﯓ ﯔ ﯕﯖ ) (سورۂ اِسراء:۷) اگر تم اچھے کام کرتے ہو تو اس کا فائدہ خود تمہیں ہی ہوگا اور اگر برائیاں کرتے ہو تو (اس کا نقصان) بھی تمہارے اپنے لئے ہی ہوگا۔ (ابن تیمیہ:۲؍۱۴۰–۱۴۱)
سوال:آپ کے غصہ پی جانے اور لوگوں کو معاف کردینے پر سب سے پہلے کس کوفائدہ ملتا ہے؟اور کیسے؟

یعنی : جب ان کے دل غیظ وغضب سے بھرجاتے ہیں ،اس وقت وہ اس کو گھونٹ گھونٹ پی جاتے ہیں ۔ اسی معنی میں کہا جاتا ہے: “کَظَمَ فُلَانٌ غَیْظَہ” یعنی غصہ کو گھونٹ بناکر پی لیا ۔اس طرح وہ غصہ کی حالت میں خود کو ایسے (جذباتی اور غصہ کے رد عمل والے) کام سے بچالیتا ہے، جسے کرگزرنے کی وہ قدرت رکھتا ہے۔ (الطبری:۷؍۲۱۴)
سوال:آیت سے ان لوگوں کی ایک صفت نکالئے جو مغفرت اور جنت کی طرف لپکنے والے ہیں؟

یہ آیت علم تاریخ کی اہمیت پر روشنی ڈال رہی ہے کیونکہ اس میں دنیا کی سیر ،سفر اور زمین میں چلنے پھرنے کا فائدہ بتایا گیا ہے ۔اور وہ فائدہ ہے: پہلے لوگوں کی خبروں اور حالات کا جاننا۔ نیز قوموں کی بہتری اور بربادی کے اسباب بھی معلوم کرنا وغیرہ۔ (ابن عاشور:۴؍۹۷)
سوال:تاریخ کا مطالعہ کرنے اور اقوام واُمم کے احوال جاننے کی بڑی اہمیت ہے ۔آیت کریمہ کی مدد سے اس بات کی وضاحت کیجئے.

غرض (قرآن کا )یہ بیان ہر اُس شخص کو شامل ہے جو اسے سمجھ لے ۔ البتہ اس کی ہدایت اور وعظ ونصیحت صرف متقیوں کے لئے ہے۔ (ابن تیمیہ:۲؍۱۴۳)
سوال: “البیان” تمام لوگوں کے لئے ہے اور ہدایت ونصیحت صرف متقی لوگوں کے لئے ہے۔اس بات کو آیت کی مدد سے بیان کیجئے.

(وَلَا تَهِنُواْ) سست اور کمزور نہ بنو۔ یعنی:اپنے دشمنوں سے جہاد کرنے میں ۔جو حقیقت میں اللہ کے دشمن ہیں اس لئے کہ اللہ تعالیٰ ان کے خلاف تمہارے ساتھ ہے ۔ اور اگرچہ اُحد کے دن ،انہیں ایک قسم کا غلبہ حاصل ہوگیا تھا لیکن تم جلد ہی دیکھ لوگے کہ انجام کس کے حق میں ہوتا ہے ۔ (وَلَا تَحۡزَنُواْ) اور غم نہ کرو۔ یعنی:دشمنوں کی جانب سے تمہیں جو نقصان پہنچا ہے اس پر نہ اس کے علاوہ کسی مصیبت پر۔ جبکہ حقیقتِ حال یہ ہے کہ (أَنتُمُ ٱلۡأَعۡلَوۡنَ) تم ہی سربلند اور برتر رہوگے۔یعنی دنیا اور آخرت دونوں جگہ۔ (إِن كُنتُم مُّؤۡمِنِينَ) اگر تم ایمان والے رہو۔ (البقاعی:۲؍۵۹)
سوال:کیا مومنوں کی وقتی(عارضی)پستی اور شکست ،ان کی سربلندی کے منافی (خلاف )ہے؟اسے واضح کیجئے.

اس آیت کے مطابق یہ فرض ہے کہ جب تک مسلمانوں کو قوت حاصل رہے ،دشمنوں سے صلح نہیں کی جائیگی اور اگر کسی علاقہ میں ان کی حالت دوسری ہو (قوت کی بجائے کمزوری یا اس جیسی کوئی حالت ہو ) تو حاکم یہ غور کریگا کہ مسلمانوں کے حق میں زیادہ مناسب وبہتر شکل کون سی ہے ؟ (اسی کو اختیار کرے۔) (ابن عطیہ:۱؍۵۱۳)
سوال:مسلمانوں کا کفار سے صلح کرنا کب صحیح ہوتا ہے؟