قرآن

دوسرى سورتوں میں تسبیح فعل ماضى كےساتھ ہے جبكہ اس سورت میں فعل مضارع كےساتھ ہے ، اس کی مناسبت یہ ہے كہ اس سورت كا مقصد نماز جمعہ كى فضیلت بتانا ہے، اور ان لوگوں كى مذمت كرنا ہے جو نماز چھوڑ كر تجارت یا لہو ولعب کے لئے چلےگئےتھے، اسى مناسبت سے بیان كیا كہ آسمان اور زمین والے سب الله كى تسبیح ہمیشہ اور مسلسل بیان كرتےہیں ، گویا اس سے ان لوگوں كى طرف اشاره ہے جنہوں نے نماز جمعہ پورى نہیں كى۔ (ابن عاشور: 28؍206)
سوال: اس سورت میں تسبیح كا فعل (يُسَبِّحُ) مضارع كیوں آیا ہے جبكہ دوسرى سورتوں میں ماضى آیا ہے؟

الله تعالىٰ خبر دےرہا ہے كہ آسمان وزمین كى سارى مخلوقات چاہے وه بولنے والى ہوں یا جمادات ہوں سب اس كى تسبیح بیان كررہى ہیں۔ (ابن كثیر: 4؍363)
سوال: كیا الله كى تسبیح صرف بولنے والى مخلوق كرتى ہے؟

سب سےپہلے تلاوت كا ذكر كیا ؛ كیونكہ تبلیغ دعوت میں سب سے پہلے وحى كى تبلیغ ہوتى ہے، دوسرے نمبر پر تزكیہ كا ذكر كیا ؛ كیونكہ دعوت كى ابتدا معنوى گندگى سے پاک کرنے سے ہوتى ہے اور معنوی گندگی سے مراد شرك اور سارے برے اعمال و اخلاق ہیں ، پھر اس كےبعد قرآن كى تعلیم كا ذكر كیا ؛ كیونكہ قرآن كے ذریعے آپ ان کے لئے اسكے مقاصد اور مفاہیم كو واضح كریں گے۔ (ابن عاشور: 28؍209)
سوال: عبارت كى ابتداكیوں سب سے پہلے تلاوت سے كى ، پھر تزكیہ اور پھر كتاب وحكمت كى تعلیم سے ؟

كتاب یعنى قرآن كا مقصد اسے سمجھنا اور اس پر عمل كرنا ہے، یعنی اس کا مقصد ایسا علم جو عمل سے مزین ہو، اور ایسا عمل جو معقول اور منقول دونوں علم كے ذریعے مضبوط و بے خلل ہو، تاکہ یہ لوگ ہر چیز كو اس كے محكم جگہوں پر ركھ سكیں ، اوربنو اسرائیل کی طرح کتاب سے نہ بھٹکیں۔ ورنہ ان كى بھى مثال اس گدھے جیسى ہوجائےگی جو كتابوں كو اٹھائےہوئے ہو۔ اور رسول اللهﷺ كیلئے بطور معجزه اگر صرف یہى كتاب ہوتى تو کافی ہوتا۔ (البقاعى: 20؍51)
سوال: ایك مسلمان قرآن كریم سے پورے طور پر فائده كیسے اٹھا سكتاہے؟

الله تعالىٰ مذمت بیان كرتےہوئے فرماتا ہے ان یہودیوں كى جنہیں توارت دیا گیا اور اس پر عمل كرنے كیلئے انہیں ابھارا گیا لیكن انہوں نے اس پر عمل نہیں كیا تو ان كى مثال اس گدھے جیسى ہوگئى جو كتابوں كا گٹھر لاد كر چل رہاہو، یعنى وه حسى طور پر كتابوں كو لادےہوئے ہے لیكن ان میں ہے کیا؟ اسے كچھ پتہ نہ ہو ، اسى طرح یہ لوگ بھی ہیں كہ یہ تورات كو لئےہوئےہیں،اس کے الفاظ یاد ہیں لیکن اسے نہ تو سمجھا اور نہ ہى اسكے تقاضوں پر عمل کیا۔ (ابن كثیر: 4؍364)
سوال: كیا وه حافظ قرآن جو اسے یاد ركھتا ہے ، لیكن اسے نہ تو سمجھتا ہے ، نہ اس میں غور وفكر كرتاہے اور نہ ہى اس پر عمل كرتا ہے وه اہل قرآن میں شمار كیا جائےگا؟

یہ مثال گرچہ یہودیوں كیلئےہے لیكن معنوى اعتبار سے یہ مثال اس شخص كیلئے بھى ہے جو قرآن کا علم ركھتا ہے پر اس پر عمل نہیں كرتا، نہ اسكا حق ادا كرتاہے، اور نہ ہى اسكا اس طرح خیال كرتا ہے جیسا كہ كرنا چاہئے۔ (القاسمی: 9؍229)
سوال: كیا یہ مثال صرف اہل تورات كے ساتھ خاص ہے؟

میمون بن مہران نے كہا: گدھے كو پتہ نہیں ہوتا كہ اس كى پشت پر كتابوں كا بنڈل ہے یا كوڑے كا ڈھیر، اسى طرح یہودى ہیں۔ (الشوكانى: 5؍225)
سوال: میمون كے قول كى روشنى میں بتلائیے كہ یہودیوں كو گدھوں سے تشبیہ دینے کا سبب کیا ہے؟