قرآن

آیت میں صفت علم اور قدرت كا ذكر ہوا ہے ؛ كیونكہ نشو ونما اور ترقى حكمت کی متقاضى ہے، اورحکمت كا تعلق علم سے ہے(اور اس کو پختہ طور پر وجود میں لانا قدرت کی عکاسی ہے)(ابن عاشور: 21؍128)
سوال: آیت کو ان دونوں صفات: (العليم القدير) پر ختم کرنے كى كیا مناسبت ہے؟

(خلقكم من ضعف) تم كو كمزورى سے پیدا كیا: پہلى كمزوری حقیر پانى (منی)سے انسان كى پیدائش اور بچپن میں اسكا ناتواں ہونا ہے۔ اور دوسرى آخری كمزورى بڑھاپا ہے۔ (ابن جزى: 2؍171)
سوال: آیت میں دونوں كمزورى سے كیا مراد ہے؟ اس كى وضاحت كریں.

الله تعالىٰ دنیا وآخرت ہر دو جگہ كافروں كى نادانى كے بارے میں بتا رہا ہے، چنانچہ انہوں نے دنیا میں عبادت بھى كى تو بتوں كى ، اور آخرت میں بھى بڑى نادانى كریں گے جیسے وه قسم كھا كر كہیں گے كہ وه دنیا میں ایك گھڑى سے زیاده نہیں ٹھہرے، جس سے ان كا مقصد یہ ہوگا كہ نہ ہی ان پر حجت قائم ہوسکی اور نہ ہی انہیں مہلت مل سكى کہ ان کا عذر ختم ہوسکے۔ (ابن كثیر: 424)
سوال: آیت سے دنیا وآخرت ہر دو جگہ كافروں كى نادانى كا پتہ چلتا ہے، اس كى وضاحت كریں.

ایمان كو اس كى اہمیت كے پیش نظر علم پر عطف كیا گیا ؛ كیونكہ بغیر ایمان كے علم ایسے سچے عقیدے كى طرف رہنمائى نہیں كرسكتا جن سے اخروى زندگى میں كامیابى مل سكے۔(ابن عاشور: 21؍131)
سوال: آیت كریمہ كے اندر ایمان كو علم پر عطف كیوں كیا گیا ہے؟

یعنى الله تعالىٰ جو عظمت والا اور بلند قدرت والا ہے ان لوگوں كےدلوں پر مہر لگا دےگا جو نادان ہیں، یعنى جو علم حاصل نہیں كرتے ہیں اور نہ ہى حق كى تلاش کرتے ہیں، بلكہ ان ہی خرافات پر بضد ہیں جنہیں دل میں بٹھا ركھا ہے، اور ایسے واہیات كاموں میں پڑےہوئے ہیں جنہیں انہوں نے خود ایجاد كر ركھا ہے؛ كیونكہ جہل مركب حق کی معرفت میں ركاوٹ ہے، اور حق گو كے جھٹلانے كا سبب بنتا ہے ، اسى لئے كہا گیا كہ جہل مركب جہل بسیط سے بھى برا ہے۔ (الألوسى: 11؍60- 61)
(توضیح از مترجم: جہل مرکب وہ ہے کہ آدمی جہالت کے باوجود اپنے آپ کو جاہل نہ سمجھے اور جہل بسیط وہ ہے کہ آدمی اپنے آپ کو جاہل سمجھے)
سوال: حق كى عدم تلاش اور جہالت پر اصرار كى خطرناكى کوواضح كیجئے.

اور یہى چیز(وعدہ الٰہی کی حقانیت کا یقین) صبر كیلئے معاون ہے؛ كیونكہ جب بندے كو معلوم ہے کہ اسكا عمل ضائع نہیں ہوگا بلكہ وه اسے پورا پوار ضرور پائےگا تو عمل كے راستے میں درپیش ساری تکلیفیں اس کے سامنے ہیچ ہوجاتی ہیں، اور اس پر ساری مشقتیں آسان ہوجاتی ہیں۔(السعدى: 646)
سوال: الله كے وعدے كى حقانیت كے ذکر سے پہلے صبر كا ذكر كیوں كیا گیا؟

یہاں اس بات كا پتہ چلتا ہے كہ یقین كامل والا مومن سنجیده عقل والا ہوتا ہے جسے صبر كرنا بہت آسان ہوتاہے، اور ہر كمزور یقین والا كمزوراور ہلکے عقل والا ہوتا ہے، اس طرح پہلا مغز كے درجے میں ہے جبكہ دوسرا چھلکے كے درجے میں۔(السعدى: 646)
سوال: یہ آیت آزمائش میں مبتلا لوگوں كى عقلوں كے مختلف ہونے كا پتہ دیتى ہے ، اس كى وضاحت كریں.