قرآن

جو شخص دنیا میں بھلائیوں اور نیکیوں کی طرف سبقت کرنے والا ہوگا وہی آخرت میں جنت کی طرف بازی لے جائیگا۔لہٰذا مخلوقات میں سب سے اونچا درجہ ان کا ہوگا جو نیکیوں میں سب سے آگے ہوں گے۔اس آیت میں اس بات کی دلیل ہے کہ دین کے تمام اعمال میں فضیلت کا پہلواور فضیلت والی صفت اختیار کرنا چاہئے جیسے نماز کو اول وقت میں اداکرنا، روزہ، حج،عمرہ اور زکاۃ کی ادائیگی جلد ازجلد کرکے بریء الذمہ ہوجانا،اسی طرح عبادات کی سنتوں اور آداب کا اہتمام کرنا۔سبحان اللہ !کتنی جامع اور کس قدر مفید آیت ہے! (السعدی: ۷۳)
سوال:اس آیت کے الفاظ کم، معانی زیادہ ہیں۔اس کی مختصر وضاحت کیجئے.

جس شخص کا دل نماز میں غیر اللہ کی طرف لگاہو تو اس کے بدن کا رخ کعبہ کی طرف ہونا بے فائدہ ہے۔اس لئے کہ (نماز میں کعبہ کی طرف رخ کرنا) برحق حکم ہے۔اس کی حقیقت یہ ہے کہ (چہرے کے ساتھ )دل بھی متوجہ ہو۔لہٰذا جس کسی کا دل نماز میں مخلوقات میں سے کسی بھی چیز کی طرف متوجہ ہوجائے تو وہ اس کی مانند ہے جو اپنے چہرے کو قبلہ کی الٹی سمت گھمالے اور قبلہ اس کے چہرہ کے پیچھے کی طرف ہوجائے۔(البقاعی:۱؍۲۷۲)
سوال:قبلہ کی طرف متوجہ ہونے کی حقیقت کیا ہے اور کیوں؟

ہر ذکر کی اپنی خصوصیت اور اپنا الگ فائدہ ہے۔جہاں تک ‘‘تہلیل’’ (لَاۤ اِلٰهَ اِلَّا هُوَ) کاتعلق ہے تو اس کا فائدہ توحید ہے۔میری مراد خاص قسم کی توحیدہے۔ اس لئے کہ توحیدِ عام تو ہر مومن کو میسرہے اور تکبیر(اللہ اکبرکہنا) کا فائدہ ہےاللہ عزوجل کی تعظیم وبزرگی اور بڑائی بیان کرنااور رہی حمد وتعریف نیز اللہ کے وہ نام جن کا معنی احسان اور رحمت ہوجیسے الرحمن،الرحیم،الکریم،الغفار اور ان کی طرح دوسرے نام۔تو ان کے فائدے کے تین مقامات ہیں اور وہ یہ ہیں: 1۔ شکر 2۔ مضبوط امید 3۔ محبت۔کیونکہ احسان کرنے والا یقینی طور پر محبوب ہوتا ہے۔ (ابن جزی:۱؍۸۸)
سوال:ہر ذکر کا مومن بندے کے دل میں خاص فائدہ اور اثر ہوتا ہے ۔اس بات کو مثال سے بیان کیجئے.

ہر ذکر کی اپنی خاصیت اور اپنا الگ فائدہ ہوتا ہے اللہ کے وہ نام جن کا مطلب ہرچیز سے باخبر اور مطلع ہونا نیزادراک اوراحاطہ کرناہوتا ہے جیسے (الْعَلِيْمُ) (جاننے والا) (السَّمِيْعُ) (سننے والا) (الْبَصِيْرُ) (دیکھنے والا) (الْقَرِیْبُ) اور ان معانی کے دوسرے اسماء؛ تو ان ناموں کے ذریعہ ذکر کرنے کا فائدہ واثر مراقبہ ہےیعنی اللہ تعالیٰ کی نگرانی اور نگہبانی کا احساس ہے ۔رہا نبی ﷺ پردرود بھیجنا ؛تو اس کا فائدہ اللہ کے لئے(رسول ﷺ سے) محبت میں زیادتی اور شدت نیز اتباعِ سنت کی پابندی ہے۔رہا استغفار تو اس سے یہ فائدہ حاصل ہوتا ہے کہ بندہ نیکی اور تقویٰ پر مضبوطی سے قائم رہتا ہے اور توبہ کی شرطوں کا پورا لحاظ رکھتا ہے۔ساتھ ہی یہ بتاتا ہے کہ پچھلے گناہوں کی وجہ سےاس کا دل پسیج گیا ہے۔ (ابن جزی:۱؍۸۸(
سوال:بندہ اپنے رب کا ذکر اس کی صفات:(الْعَلِيْمُ) (جاننے والا) (السَّمِيْعُ) (سننے والا) (الْبَصِيْرُ) (دیکھنے والا) (الْقَرِیْبُ) کے ذریعہ کرتا ہے تو اس کاکیا اثر ہوتا ہے؟

شکر کا حکم بیان کرنے کے بعد اللہ نے صبر کرنے ،سیدھی راہ پر چلنے اور صبرو نماز سے مدد لینے کا بیان شروع فرمایا۔اس لئے کہ بندہ یا تو نعمت میں ہوگا تو اس حالت میں وہ شکر اداکرتا ہے یا پھر سختی اور پریشانی میں ہوگا تو اس حال میں وہ صبر کرتا ہے۔ (ابن کثیر:۱؍۱۸۷(
سوال: بندہ دوحالت سے خالی نہیں رہتا۔وہ دونوں حالتیں کیا ہیں؟اور ہر دوحالتوں میں اس کا کیا فرض ہے؟

جب بندے کی نماز مکمل ہو، اس کےتمام فرائض او رسنتیں جمع ہوں اور دلی لگاؤ سے نماز ادا کی جائے تو اس میں کوئی شک نہیں کہ ایسی نماز تمام معاملات میں بندے کی بہت بڑی مددگار ہے۔ ایسی نماز تمام بے حیائیوں اور برائیوں سے روکتی ہے اور اس لئے کہ نماز میں حضور قلب بندے کے دل میں ایک ایسا جذبہ پید ا کردیتا ہے جو اسے رب کے حکم پر عمل کرنے اور اس کی منع کی ہوئی چیزوں سے بچنے پر ابھارتا ہے ۔یہی وہ نماز ہے جس کے ذریعہ ہر چیز میں مددلینے کا اللہ نے ہمیں حکم دیا ہے۔(السعدی:۷۵(
سوال:نماز بندے کے لئے رب کے احکامات کو بجالانے اورمنع کردہ چیزوں سے پرہیز کرنے میں کیسے مددگار ہوتی ہے؟

یہ اللہ تعالیٰ کی ایسی خاص معیت ہے ،جو اللہ کی محبت ،اس کی مدد ونصرت اور اس کی قربت کا تقاضہ کرتی ہے ۔
اور اس میں صبر کرنے والوں کی اتنی بڑی فضیلت ہے کہ اگر ان کی اللہ کی معیت کے علاوہ اور کوئی فضیلت نہ ہوتی تو بھی یہی ایک چیز ان کی فضیلت وشرف کے لئے کافی ہوتی۔ (السعدی:۷۵(
سوال:اللہ کی خاص معیت کس چیز کا تقاضہ کرتی ہے؟اور اس معیت کے مستحق کون ہیں؟