قورئان

خوای گەورە دوای ئەوەی باسی باخەكانی بەهەشتی كرد كەبۆ ئەو بەندانە ئامادە كراوە كەباوەڕیان هێناوە وكاری چاكەیان ئەنجام داوە، فەرمووی: (ذلك الذي يبشر الله عباده الذين آمنوا وعملوا الصالحات)واتە: بێگومان بۆیان ئامادە كراوە، چونكە ئەوە مزگێنی خودایە وئەو ئەو مزگێنیەی پێداون. ابن كثير: ٤/ ١١٤.
پرسیار: بەڵگەى مزگێنى بەباوەڕداران لەم ئايەتەدا كامەيە؟

چونكە تەوبە كردن یەكێكە لەكارە گرنگ وگەورەكان وجار جار بەهۆی ئیخلاس وپاكێتی وڕاستیەكی تەواوەوە بەتەواوی ئەنجام دەدرێت، جار جاریش بەهۆی ناتەواوی لەنییەت وئیخلاس وڕاستی، بەناتەواوی دەكرێت، جاری وا هەیە بۆ مەبەستی گەیشتن بەشتێكی دونیایی تەوبە دەكرێت، ئەوە تەوبەیەكی گەندەڵە، جا لەبەر ئەوانە ولەبەر ئەوەش كەشوێنی تەوبە لەناو
دڵدایە تەنها خوای گەورە دەزانێت تەوبەكە تەواوە یان ناتەواو، بۆیە فەرمووی: (ويعلم ما تفعلون). سەعدى: ٧٥٨.
پرسیار: بۆچى ئەم ئايەتە بەڕستەى (ويعلم ما تفعلون)كۆتايى هات؟

بەكارهێنانی وشەی (عن عباده)لەجیاتی وشەی (الناس)یان وشەی (التائبين)یان هەر وشەیەكی تر، ئاماژەیە بەوەی كەخودا سەبارەت بەبەندەكانی میهرەبانە، چونكە ئافرێنەر وبەدیهێنەر پێی خۆشە كەئەو شتەی كەدروستی كردووە چاك وباش بێت. ابن عاشور: ٢٥/ ٩٠.
پرسیار: بۆچى وشەى (عباده)لەم ئايەتەدا باسكراوە وجياتى ئەو وشەيە وشەى (الناس) يان (التائبين) باس نەكراوە؟

خوای گەورە دەزانێت كەئەگەر ڕزق وڕۆزی بۆ بەندەكانی زۆر بكات ئەوا دەبێتە مایەی گەندەڵی وتیاچوونیان، بۆیە لەبەر بەرژەوەندی خۆیان دونیایان لێ دەگرێتەوە، كەواتە هەژاری یان زەنگینی ودەوڵەمەندی نیشانەی باشی وخراپی مرۆڤ نییە، دەگێڕنەوە پێغەمبەر(ﷺ) فەرموویەتی: إِنَّ مِنْ عِبَادِي الْمُؤْمِنِينَ مَنْ يَسْأَلُنِي الْبَابَ مِنَ الْعِبَادَةِ وَإِنِّي عَلِيمٌ أَنْ لَوْ أَعْطَيْتُهُ إِيَّاهُ لَدَخَلَهُ الْعُجْبُ فَأَفْسَدَهُ. وَإِنَّ مِنْ عِبَادِي الْمُؤْمِنِينَ مَنْ لَا يُصْلِحُهُ إِلَّا الْغِنَى وَلَوْ أَفْقَرْتُهُ لَأَفْسَدَهُ الْفَقْرُ. وَإِنَّ مِنْ عِبَادِي الْمُؤْمِنِينَ مَنْ لَا يُصْلِحُهُ إِلَّا الْفَقْرُ وَلَوْ أَغْنَيْتُهُ لَأَفْسَدَهُ الْغِنَى . واتە: بەڕاستی لەناو بەندە باوەڕدارەكانمدا هی وا هەیە داوای جۆرە عیبادەت وپەرستنێك دەكات من خۆم زانام دەزانم ئەگەر پێی ببەخشم ئەوا توشی لەخۆباییبوون دەبێت وكارەكانی گەن دەبن، لەناو بەندە باوەڕدارەكانما هی وا هەیە بەدەوڵەمەندی نەبێت كاروباری باش نابێت وئەگەر هەژاری بكەم هەژاری توشی لادانی دەكات، لەناو بەندەكانیشما هی وا هەیە كەهەر هەژاری بۆ ئەو باشە، ئەگەر دەوڵەمەندی بكەم ئەوا تێدادەچێت وتوشی لادانی دەكات. قورتوبى: ١٨/ ٤٧٥.
پرسیار: ئايا دەوڵەمەندى لەهەموو كاتێكدا وبۆ هەموو كەسێك دەشێت؟

لەناو هەموو ناز ونیعمەتەكاندا بەتایبەت باسی بارانی كرد، چونكە باران ناز ونیعمەتێكە كەتەواوی خەڵكی دەگرێتەوە، هەروەها مایەی ژیانە، بەهۆی بەرهەمهێنانی خۆراكی گونجاو هەم بۆ خەڵكی وهەم بۆ گیاندارانی تریش. ابن عاشور: ٢٥/ ٩٥.
پرسیار: بۆچى دواى ڕزق وڕۆزى بەگشتى، باسى باران بەتايبەتى كرا؟

بۆیە لەناو هەموو ناوە جوانەكانی خوای گەورەدا بەتایبەتی باسی ناوی (الولي الحميد) كرا، لەبەر ئەوەی ئەم دوو ناوە لەگەڵ فریاڕەسیدا گونجاون، چونكە(الولي) چاكە دەكات لەگەڵ بەندەكانیدا (الحميد) شتێك دەبەخشێت كەلەهەمبەریدا ستایش بكرێت. ابن عاشور: ٢٥/ ٩٦.
پرسیار: ئەوە ڕوون بكەرەوە كەگونجاوترين ناو بۆ ئێرە كەبەكاربهێنرێت هەردوو ناوى (الولي الحميد)ە.

واتە: ئەو موسیبەتانەی كەڕوو لەگیان ودارایی خەڵكی دەكات، بەهۆی تاوانەكانی خۆیانە. ابن جزى: ٢/ ٣٠٣.
پرسیار: چى دەڵێى بەو كەسانەى كەدەڵێن: هۆكارى هاتنى بەڵا وموسيبەت سرووشتيە وهيچ پەيوەنديەكى بەتاوانبارى وبێتاوانى خەڵكەوە نيە؟