قورئان

حەزرەتی ئەییوب لەژنەكەی خۆی توڕە ببوو.. سوێندی خوارد كەئەگەر خوا شیفای بۆ بنێرێت وچاك بێتەوە سەد دار لەژنەكەی بدات، بەڵام دوای ئەوەی خوا شیفای حەزرەتی ئەییوبی نارد، جەزا وپاداشتی هاوسەرەكەی ئەوە نەبوو كەلەگەڵ ئەو هەمووە خزمەت ومیهرەبانی ولەخۆبووردەیی وچاكانەی كەلەگەڵ مێردەكەی خۆیدا -واتە: حەزرەتی ئەییوب- دا كردوویەتی داریشی لێ بدرێت، بۆیە خوای گەورە فەرمانی بەحەزرەتی ئەییوب كرد چەپكێ چیلكەی ورد بگرێتە دەست كەژمارەی چیلكەكان سەد چیلكە بن، جا بەجارێك ئەو چیلكە وردەڵانە بكێشێت بەژنەكەیدا، بەو جۆرە سوێندەكەی ناشكێت ونەزرەكەی جێبەجێ كردووە. ئەم بابەتە یەكێكە لەو نموونانەی كەئەو كەسانەی خاوەن تەقوان خوای گەورە دەرگای میهرەبانییان لێ دەكاتەوە ولەناو ناخۆشیدا دەریان دەهێنێت. ابن كثير: ٤/ ٤١.
پرسیار: هەر كەسێك خاوەنى تەقوا بێت، خواى گەورە دەروى خێر وخۆشيى لێ دەكاتەوە، لەسۆنگەى ئەم چيرۆكەوە ئەم بابەتە ڕوون بكەرەوە.

الأید: كۆی وشەی (ید)ـه، واتە: دەست، لێرە مەبەست لەهێزی ئەو پێغەمبەرانەیە كەباسكراون لەكاتی كاری چاكەدا، بۆیە وشەی (أید)ی بەكارهێنا، چونكە زۆربەی كارەكان بەهۆی دەستەوە جێبەجێ دەكرێن، مەبەست لە(أبصار)یش (أبصار، واتە: چاوگەل. و) فام ودركی بەهێز وزانستی زۆری ئەو پێغەمبەرانەیە، چونكە كاتێك كەمرۆڤ زۆر ئاگادار ووشیار وزانا بێ پێی دەڵێن: بصیر، واتە: بینا وچاوكراوە. ابن جزى: ٢/ ٢٥٧.
پرسیار: لەڕستەى (أولى الأيدي والأبصار)كەخواى گەورە لەپەسنى ئەو پێغەمبەرانەدا فەرمووى، چەند سيفەتێكى چاك لەخۆ دەگرێت، ئەو سيفەتانە چين؟

(هذا ذكر) واتە: یادێكی چاك لەدونیادا، گەورەیی وفەزڵێكی وا كەلەدونیادا هەمیشە یادی بكرێتەوە وباس بكرێت. (وإن للمتقين لحسن مآب)واتە: زیاد لەو یادە چاكەی ناو دونیا، جێ گەڕانەوەیەكی چاكیشیان لەقیامەتدا هەیە. قورتوبى: ١٨/ ٢٢٦.
پرسیار: كام پاداشتە بۆ پارێزكاران باسكراوە كەلەدونيا وقيامەتدا پێيان دەدرێت؟

ئەمە بەڵگەیە لەسەر ئاسایشێكی تەواو، لەبەهەشتی نەبڕاوە وپڕ لەناز ونیعمەتدا هیچ شتێكی ناخۆش وكرێت بوونی نییە كەلەترسی ئەوانە دەرگاكان دابخرێن. سەعدى: ٧١٥.
پرسیار: لەم ئايەتەدا ئاماژە بەناز ونيعمەتێكى گەورە كراوە لەبەهەشتدا، ئەو ناز ونيعمەتە چییە؟

(وعندهم) هاوسەرەكانیان حۆریی چاو گەش وچاو ڕەشن (قاصرات)چاویان لەمێردەكانیانە وچاوی مێردەكانیشیان لەسەر ئەوانە، چونكە هەمووان جوان ودەلالن، یەكیان خۆش دەوێت، حەز ومەیلیان بەلای كەسی تردا نییە، جگە لەیار وهاوسەری خۆیان نەبێت، هیچ كەسێكی تریان ناوێت. سەعدى: ٧١٥.
پرسیار: پەسندانى حۆريیەكانى ناو بەهەشت بەڕستەى (قاصرات الطرف) ئاماژەيە بەئاكار وڕەوشتێكى بەرز كەدەبێت ژنى باوەڕدار لەدونيادا ئەو ئاكارانەى هەبێت، ئومێديش وايە كەبەهۆى ئەو ئاكارە جوانانەوە بچنە بەهەشت، ئەو ئاكارانە چين؟

هەر كاتێك میوەیەك لەهەر یەكێك لەدارەكانی بەهەشت لێ بكەنەوە وبیخۆن، میوەیەكی تری وەك هەمان میوە لەجێگەكەیدا دروست دەبێتەوە، كەواتە میوەكانی بەهەشت هەمیشەیین وهەرگیز كۆتاییان پێ نایەت. تەبەرى: ٢١/ ٢٢٣.
پرسیار: كام يەك لەجياوازيیەكانى ميوەى بەهەشت وميوەى دونيا لەم ئايەتەدا باسكراوە؟

واتە: ئێوە ئێمەتان بۆ تاوانكردن بانگهێشت كرد، كەواتە (ئەم شوێنە. و) وێستگەیەكی زۆر خراپە بۆ ئێمە وبۆ ئێوەش، جا ئەوانەی كەشوێن كەوتوون دەڵێن: پەروەردگارا سزای زیاتر بەو كەسانە بچێژێنیت كەبوونە هۆكاری ئەوەی ئێمە بێینە ئێرە. قورتوبى: ١٨/ ٢٣٣.
پرسیار: ئەوانەى كەلەدونيادا پەيڕەوييان لەسەرانى خراپەكار دەكرد، لەقيامەتدا چ حاڵێكيان هەيە؟ لەم بابەتە چ خاڵێكى گرنگ بەدەست دێت؟