قورئان
ﮙ
ﱅ
ﮙ
ﭝ ﭞ ﭟ ﭠ ﭡ ١ ١ ﭣ ﭤ ﭥ ﭦ
ﭧ ﭨ ﭩ ﭪ ﭫ ﭬ ﭭ ﭮ ﭯ ﭰ ﭱ ﭲ ﭳ
ﭴ ﭵ ﭶ ﭷ ﭸ ﭹ ﭺ ﭻ ﭼ ﭽ
ﭾ ﭿ ﮀ ٢ ٢ ﮂ ﮃ ﮄ ﮅ ﮆ ﮇ ﮈ
ﮉ ﮊ ﮋ ﮌ ﮍ ﮎ ﮏ ﮐ ﮑ ﮒ ﮓ ﮔ
ﮕ ﮖ ﮗ ﮘ ﮙ ﮚ ﮛ ﮜ ٣ ٣ ﮞ ﮟ
ﮠ ﮡ ﮢ ﮣ ﮤ ﮥ ﮦ ﮧ
ﮨ ﮩ ﮪ ﮫ ﮬ ﮭ ﮮ ﮯ ﮰ
ﮱ ﯓ ﯔ ﯕ ﯖ ﯗ ﯘ ﯙ ﯚ ٤ ٤ ﯜ ﯝ ﯞ
ﯟ ﯠ ﯡ ﯢ ﯣ ﯤ ﯥ ﯦ ﯧ ﯨ
ﯩ ﯪ ﯫ ﯬ ﯭ ﯮ ﯯ ﯰ
ﯱ ﯲ ﯳ ﯴ ﯵ ﯶ ﯷ ﯸ ﯹ ٥ ٥
الٓمٓرۚ تِلۡكَ ءَايَٰتُ ٱلۡكِتَٰبِۗ وَٱلَّذِيٓ أُنزِلَ إِلَيۡكَ مِن رَّبِّكَ ٱلۡحَقُّ وَلَٰكِنَّ أَكۡثَرَ ٱلنَّاسِ لَا يُؤۡمِنُونَ ١
ئامانجی سورەتەكە هەر ئەم ئایەتەیە، واتە: باسكردنی ئەوەی كەقورئان هەق وڕاستە، هەروەها بەڵگە هێنانەوە بۆ ئەو قسەیە. بیقاعى: ٤/ ١١٨.
پرسیار: ئامانجى سورەتى هود چییە؟
وَسَخَّرَ ٱلشَّمۡسَ وَٱلۡقَمَرَۖ كُلّٞ يَجۡرِي لِأَجَلٖ مُّسَمّٗىۚ
بۆیە باسی خۆر ومانگ كرا، چونكە لەنێو هەموو ئەستێرە گەڕۆكەكاندا كەلەئەستێرە وەستاوەكان چاكترن، خۆر ومانگ لەهەمووان دیارتر وئاشكراترن، دەی لەكاتێكدا خۆر ومانگ دەستەمۆی دەسەڵاتی خوای گەورە بن، بێگومان ئەوانی تریش دەستەمۆی دەسەڵاتی خودان. ابن كثير: ٢/ ٤٨١.
پرسیار: بۆچى لەناو هەموو ئەستێرەكاندا باسى خۆر ومانگ كرا؟
يُفَصِّلُ ٱلۡأٓيَٰتِ لَعَلَّكُم بِلِقَآءِ رَبِّكُمۡ تُوقِنُونَ ٢
بەڵگەی زۆر وڕۆشن، یەكێكە لەهۆكارەكانی گەیشتن بەدڵنیایی وڕاستەقینە لەهەموو بوارەكاندا، بەتایبەت لەو بوارانەی كەپەیوەندییان بەبیروباوەڕەوە هەیە، وەك ڕۆژی پەسڵان وزیندووبوونەوە وهاتنەدەرەوەی مردووان لەگۆڕەكانیان. سەعدى: ٤١٢.
پرسیار: مرۆڤ چۆن دەتوانێت لەبوارى بيروباوەڕا بگاتە دڵنيايى؟
وَهُوَ ٱلَّذِي مَدَّ ٱلۡأَرۡضَ وَجَعَلَ فِيهَا رَوَٰسِيَ وَأَنۡهَٰرٗاۖ وَمِن كُلِّ ٱلثَّمَرَٰتِ جَعَلَ فِيهَا زَوۡجَيۡنِ ٱثۡنَيۡنِۖ يُغۡشِي ٱلَّيۡلَ ٱلنَّهَارَۚ إِنَّ فِي ذَٰلِكَ لَأٓيَٰتٖ لِّقَوۡمٖ يَتَفَكَّرُونَ ٣
بە بیركردنەوە لەزەوی وئەو شتانەی كەلەزەویدان مرۆڤ بەو ئەنجامە دەگات كەتەواوی ئەم شتانە بەو ڕێكوپێكی وجوانییە وبەو جۆرە ڕاست ودروستەی كەدانراوە، بەدڵنیاییەوە بەڵگەن لەسەر هەبوونی پەروەردگارێكی دانا وتوانا، ئەو پەروەردگارە هەر كارێكی بوێت دەیكات، هەر بڕیارێكی بوێت دەری دەكات. ئالوسى: ١٣/ ١٢٧.
پرسیار: ڕامان لەدروستبوونى زەوى وكێوەكان وبەروبوومى دار وگژوگيا وهاتنى شەو وڕۆژ و... چ سوودێكى هەيە؟
وَفِي ٱلۡأَرۡضِ قِطَعٞ مُّتَجَٰوِرَٰتٞ وَجَنَّٰتٞ مِّنۡ أَعۡنَٰبٖ وَزَرۡعٞ وَنَخِيلٞ صِنۡوَانٞ وَغَيۡرُ صِنۡوَانٖ يُسۡقَىٰ بِمَآءٖ وَٰحِدٖ وَنُفَضِّلُ بَعۡضَهَا عَلَىٰ بَعۡضٖ فِي ٱلۡأُكُلِۚ إِنَّ فِي ذَٰلِكَ لَأٓيَٰتٖ لِّقَوۡمٖ يَعۡقِلُونَ ٤
(لآيات)... چەند بەڵگەیەكی ڕۆشنن لەسەر ئەوەی كەتەواوی ئەوانە تەنها كاری خودای زانا ودانا وتوانایە، ئەو خودایەی كەدەسەڵاتی ئەوەی هەیە هەموو شتە جۆراوجۆرەكان لەنەبوونەوە بهێنێتە بوون، دەی كەواتە دووبارە زیندووكردنەوە ودروست كردنەوە بەلایەوە زۆر ئاسانە ولەئاستیا داماو نییە. بیقاعى: ٤/ ١٢٥.
پرسیار: سەوزبوونەوە وجۆراوجۆريى گژوگيا چۆن دەبێتە بەڵگە لەسەر هەستانەوەى پاش مەرگ وزيندوبوونەوەى دووبارە بەمەبەستى وەرگرتنەوەى پاداشت وسزا؟
وَفِي ٱلۡأَرۡضِ قِطَعٞ مُّتَجَٰوِرَٰتٞ وَجَنَّٰتٞ مِّنۡ أَعۡنَٰبٖ وَزَرۡعٞ وَنَخِيلٞ صِنۡوَانٞ وَغَيۡرُ صِنۡوَانٖ يُسۡقَىٰ بِمَآءٖ وَٰحِدٖ وَنُفَضِّلُ بَعۡضَهَا عَلَىٰ بَعۡضٖ فِي ٱلۡأُكُلِۚ
زەوی بەهۆی ئاوایی لێك نزیك ئاوەدانە، هەموویان ئاو وخاكێكی وەك یەكیان هەیە، بەڵام كشتوكاڵ وباخەكان ومیوە وبەروبوومەكان تەواو جیاوازن، هەندێك شیرینە، هەندێك ترشە، تەنانەت جاری وا هەیە بەری لقی یەك دار لەیەكتری جیاوازن وئەم دانەیە تامێكی هەیە ئەوی تر تامێكی تر (ئەمە لەو دارانەدا زیاتر ڕەنگ دەداتەوە كەموتوربە دەكرێن، لقێك دارتوو دەتوانی چوار پێنج موتوربەی لێ بدەیت وچوار پێنج جۆر توو بگرێت، یەكێ شیرین، یەكێ ترش ویەكێ لەنێوان ترش وشیرین، یەكێ سپی، یەكێ سور ویەكێ جەرگی وتۆخ، بنجی دار مێوێك دەتوانیت زیاتر لەبیست جۆر ترێی بەڕەنگ وتامی جیاواز لێ پەیوەند بكەیت. و) كەچی سەیر دەكەی خۆر ومانگیش وەك یەك تیشك دەدەنە ئەم گژوگیا ودار ودرەختانە، جیاوازی ئەم دار ودرەخت وگژوگیایانە یەكێكە لەگەورەترین بەڵگەكانی دەسەڵات ویەكتایی خودا. قورتوبى: ١٢/١٠.
پرسیار: ئەوەى كەزەوى لەچەند پارچەيەكى نزيك لەيەك دروست بووە، چ بەڵگەيەكى تێدايە بۆ گەورەيى ودەسەڵاتى پەروەردگار؟
وَإِن تَعۡجَبۡ فَعَجَبٞ قَوۡلُهُمۡ أَءِذَا كُنَّا تُرَٰبًا أَءِنَّا لَفِي خَلۡقٖ جَدِيدٍۗ
ئەوان بەدووری دەزانن كەمرۆڤ دوای ئەوەی لەناو خاكدا ڕزا جارێكی تر زیندوو ببێتەوە، ئەوانە بەهۆی نەفامی ونەزانی خۆیانەوە دەسەڵاتی خودایان چواندووە بەدەسەڵاتی مرۆڤەوە! جا چونكە مرۆڤ دەسەڵاتی ئەوەی نییە ئیتر وایان گومان بردووە كە(پەنا بەخوا) خوداش دەسەڵاتی ئەوەی نییە! ئەوان ئەوەیان لەبیر چووەتەوە كەهیچ نەبوون وخودا لەنەبوونەوە ئەوانی وەدی هێناوە. سەعدى: ٤١٣.
پرسیار: چواندنى دەسەڵاتى خودا بەدەسەڵاتى مرۆڤ هۆكارى گومڕابوونى هاوەڵپەرستانە، بەپێى ئەم ئايەتە ئەم بابەتە ڕوون بكەرەوە.