قرآن

پچھلے رسولوں کو جھٹلانے والوں کا ذکر کرکے رب تعالیٰ نے رسول اللہ ﷺ کو تسلی دی ہے، تاکہ آپ ان کے نقشِ قدم پر چلیں ،چنانچہ نبی کریم ﷺ کی موت کاواقع ہوجانا ،یا آپ کو قتل کردیا جانا ممکن ہے جیسے آپ سے پہلے آپ کے بھائیوں، یعنی پیغمبروں کا معاملہ تھا اور اللہ تعالیٰ نے یہ خبر دیتے ہوئے بات پوری فرمائی کہ بہت سے رسولوں کا قتل کیا جانا پہلے واقع ہوچکا ہے ۔لہٰذا یہ ثابت شدہ ہے کہ موت سے کوئی خاص وعام محفوظ نہیں رہے گا۔ (البقاعی: ۲؍۱۹۲)
سوال: انبیاء کرام علیہم السلام کے قتل کی خبر دینے میں کیا حکمت ہے؟

پہلے زمانوں کے یہود نے جن انبیاء کرام کو قتل کیا تھا ،عہدِ نبوی کے یہود اُن کے یعنی اپنے پرکھوں کے اس قتل کے عمل پر راضی ومطمئن تھے اور یہ تھے بھی انہی میں سے ۔نیز اس عمل کو حلال اور جائز سمجھنے میں انہی کے طریقے پر قائم ودائم تھے ۔اسی لئے اللہ جل ثناء ہ نے اس (قتل کے )عمل کو ،کرنے والوں کے ساتھ (جو لوگ ان کے منہج اور طریقے پر ہیں ) ان سب کی طرف بھی منسوب کیا ہے کیونکہ جو لوگ ان کے منہج اور طریقے پر تھے یہ سب ایک ملت والے اور ایک گروہ تھے اور ایک دوسرے سے راضی ہونے کے سبب برابر تھے۔ (الطبری: ۷؍ ۴۴۶)
سوال: انبیاء علیہم السلام کے قتل کو موجود یہودیوں کی طرف منسوب کرنے کی کیا وجہ تھی جبکہ اس عمل کو کرنے والے ان کے اسلاف تھے؟

(ﭢ ﭣ) ناحق۔ یہ ناحق کی قید اس لئے لگائی گئی ہے کہ وہ انبیاء علیہم السلام کو قتل کرنے کی قباحت اور سنگینی کو جانتے ہوئے ،اس کی جرأت کرتے تھے ، جہالت اور گمراہی کی بناپر نہیں بلکہ سرکشی اور دشمنی کی وجہ سے ان گھناؤنے کاموں کا ارتکاب کرتے تھے ۔ (السعدی:۱۵۹)
سوال: اللہ تعالیٰ نے یہود کے قتلِ انبیاء کا عمل‘‘ناحق’’ کیوں قرار دیا؟

مرنے کے وقت دھوکے میں پڑا ہوا شخص دنیا کی اس پونجی اور سامان پرشرمندہ ہوگا جس کے سبب وہ دھوکے میں پڑا ہوا تھا ۔ لہذا خوش قسمت اور سعادت مند وہ شخص ہے جو اس کوشش میں لگا رہے کہ اس کی موت آقا ومولیٰ کی رضامندی میں ہو۔ (البقاعی: ۲؍ ۱۹۳)
سوال: اچھے اور باسعادت خاتمہ کی کیا علامت ہے؟

جب اللہ سبحانہ وتعالیٰ نے نبی ﷺ کو رسولوں کے ذریعہ تسلی دی ،جنہوں نے صبر اور اطاعت میں کوشش ا ورمحنت کی تھی، حتی کہ ان کی اور ان کی امتو ں کی موت ہوگئی ۔اور جو کچھ ان کے ہاتھوں میں تھا وہ سب کچھ چھوڑگئے ،کچھ بھی بچا نہیں سکے۔ اب اللہ سبحانہ وتعالیٰ کی ملکیت وسلطنت کے سوا کچھ باقی نہیں رہا ۔ اور دونوں فریق بدلے کے منتظر ہیں :رسول پوری کامیابی اور کفار پوری ہلاکت وبربادی کے منتظر ہیں۔ (اللہ نے) خبر دی ہے کہ ہر نفس کا معاملہ ایسا ہی ہے تاکہ فرماں بردار (نیک) آدمی محنت کرے اور نافرمان بازآجائے۔ (البقاعی: ۲؍۱۹۲)
سوال: دنیا میں کامیابی کے لئے مومنوں کا معیار کیا ہے؟اور منافقین کا پیمانہ کیا ہے؟

اللہ نے مسلمانوں کومشکلات پیش آنے کی پیشگی خبر دی، تاکہ وہ انہیں جھیلنے اوربرداشت کرنے کے لئے اپنے نفس کو آمادہ کرلیں اور صبر وثبات ، پامردی و پائیداری کی خوبی سے اس کا سامنا کرنے اور مقابلہ کرنے کے لئے تیار رہیں، کیونکہ مصیبت کا اچانک ٹوٹ پڑنا بھی رنج وتکلیف میں اضافہ کا ایک سبب ہے۔جبکہ مشقت وتکلیف کے لئے پہلے سے تیار رہنا ،سنگین معاملہ کو ہلکا اور آسان بنادیتا ہے۔ (الألوسی: ۴؍ ۱۴۷)
سوال: اللہ سبحانہ وتعالیٰ مبلغین اور مومنین کو پہلے سے یہ خبر کیوں دیتا ہے کہ وہ عنقریب سخت مشقت سے دوچار ہوں گے؟

اس لئے کہ ‘‘تقویٰ’’ احکام پر عمل کرنے اور منع کردہ کاموں کو چھوڑدینے پر مشتمل ہے اور ‘‘صبر’’ یعنی برداشت اور تحمل، تقدیر کے فیصلہ پر صبر کرنے کو شامل ہے۔ (ابن تیمیہ : ۲؍ ۱۸۵)
سوال:آیت کریمہ میں مذکور تقویٰ اور صبر کس چیز پر مشتمل ہیں؟