قرآن

اللہ نے یہاں قوم ِثمود اور ان کی نشانیو ں کا خصوصی ذکر اس لئے کیا کیونکہ ان کا معاملہ عربوں میں بہت مشہور تھا اور چونکہ ان کی ہلاکت کے آثار بلاد عرب میں جہاں پائے جاتے ہیں وہاں سے اہل ِمکہ بہت قریب ہیں اور مکہ اور شام کے درمیان اپنے تجارتی سفروں میں آتے جاتے وقت ان کا مشاہدہ بھی کرتے رہتے ہیں۔ (ابن عاشور: ۱۵؍۱۴۴)
سوال:آیت کریمہ میں قوم ِثمود کا ذکر خاص طور سے کیوں کیا گیا ہے؟

آپ ﷺ نے کفار مکہ کو اسراء اور شجرۂ زقوم کے بارے میں خبر دی تو ان میں سے ایک گروہ نے اس کا انکار کردیا اور یہ گمان کر بیٹھے کہ یہ عقل انسانی کے خلاف ہے تو اس وقت اللہ تعالیٰ نے یہ آیت نازل فرمائی: (وما جعلنا الرؤيا التي أريناك إلا فتنة للناس والشجرة الملعونة في القرآن)...یعنی ایسا ہم نے لوگوں کو آزمانے کے لئے کیا ہے تاکہ مومن اور کافر کی تمییز ہوجائے۔ اسی طرح آپ ﷺ نے انہیں یہ خبر دی کہ آپ ﷺ نے جنت و جہنم کا بھی مشاہدہ کیا ہے اور یہ انہیں خوف دلانے کے لئے تھا جیسا کہ اللہ تعالیٰ نے آخر میں فرمایا: (وَنُخَوِّفُهُم فَمَا يَزِيدُهُم إِلاَّ طُغيَانًا كَبِيرًا). (ابن تیمیہ: 4؍235)
سوال:لوگوں کی آزمائش کی خاطر نبیﷺ نے جوکچھ دیکھا اور اس کی خبر دی وہ کیسا تھا؟ آیت کی روشنی میں اس کی وضاحت کریں.

(نخوفهم)اور(يزيدهم) میں ،فعل ِمضارع‘ لایا گیا ہے تاکہ خوف وڈر کے باربار آنے کا تقاضہ کرے او ر جب جب نئے طور پر انہیں ڈرایا گیا ایک نئے انداز میں ان کی سرکشی مزید بڑھ کر سامنے آئی۔(ابن عاشور: ۱۵؍۱۴۹)
سوال:آیت کریمہ میں (نخوفهم)اور(يزيدهم) کو فعل مضارع سے کیوں ذکر کیا گیا ہے؟

(لأحتنكن ذريته)مطلب یہ ہے کہ ان پر مسلط ہوکر انہیں اپنا تابع بناؤں گا اور یہ لفظ “تَحْنِيْكُ الدَّابَّة”سے ماخوذ ہے جس کا مطلب یہ ہوتا ہے کہ جانور کے جبڑے میں رسی ڈال کر اسے اپنے قابو میں کرنا۔ (ابن جزی: ۱؍۴۹۱)
سوال:شیطان کا انسانوں پر قابو پانے کا کیا مطلب ہے اور اس کی کیا علامت ہے؟

شیطان کی آواز ہر وہ داعی ہے جو اللہ کی معصیت کی طرف لوگوں کو بلائے۔عبداللہ بن عباس رضی اللہ عنہما اور امام مجاہد رحمہ اللہ سے روایت ہے کہ:اس سے مراد گانا،بانسری اور لہوولعب ہیں۔ (القرطبی: ۱۳؍۱۱۸)
سوال:شیطان اپنی آواز سے کیسے قابو میں کرتاہے؟

ہر وہ گفتگو جس میں اللہ کی اطاعت نہ ہو اور ہر وہ آواز جو بانسری یا حرام دف اور ڈھول کی ہوتو وہ شیطان کی آواز ہوگی۔ اور اللہ تعالیٰ کی معصیت میں قدم اٹھانے والا ہر شخص شیطان کا پیادہ ہے۔ اور اللہ کی معصیت میں سواری کرنے والا ہر شخص شیطان کا سوار ہوگا۔ (ابن قیم: 2؍142–143)
سوال:شیطان کی آواز ، اس کے سوار اور پیادے سے کیا مراد ہے؟

مال میں شیطان کے شریک ہونے کا مطلب سود کے ذریعہ اس کا کمانا ہے۔اور گناہوں کی جگہوں میں اسے خرچ کرنا ہے۔اور اولاد میں شرکت کرنے کا مطلب یہ ہے کہ انہیں زنا میں ملوث کرے اور اولاد کا نام عبدالشمس،عبدالحارث وغیرہ مشرکانہ نام رکھنے پرمجبور کرے۔(ابن جزی: ۱؍۳۹۲)
سوال:شیطان بنی آدم کے مال واولاد میں شریک ہوتاہے۔اس کی کچھ شکلیں بتائیے.